El ferre la tercia - La obra del camín del monte

La obra del camín del monte

Wednesday, 07 de March de 2007

Les últimes noticies del ferre apunten a que el camín está listu pa recibir la capa del firme.

Después de pasar la pala haz unos meses pa rebachealu, y echar planches de hormigón más recientemente en les revueltes de p´allá de Sarañán, parez ser que lo que queda ye rematalu con material (zahorra, grava, non sabemos)

Agosto

Va unos días (20 de agosto), averóse una pala a Prieres con la intención de comenzar a echar el firme, pero coincidió con los días de tanta lluvia y tuvo que dexalo. suponemos que tendrán que mejorar les condiciones meteorológiques pa reanudar les obres.

Les siguientes fotos tan sacaes a mediaos de agosto:

Pa acabar, un regalu pa la vista: Arvicenti desde el cruce col camín del Veneru.

Recordamos que el tramu que están arreglando va entre El Veneru y La Cerra, más o menos.

De momentu esto ye lo que sabe el ferre...

¡Esperemos que se acuerden de dar salida al agua!

HISTORIA

7 de marzo de 2007

Apaecióse una pala en Prieres que empezó a trabayar pel camín del monte, más concretamente de les Cerres p´arriba. Suponemos que se tratará del arreglu que el Principáu pretende facer hasta la Trapa o hasta El Veneru (como siempre, los vecinos suponiendo na más, porque la información ye nula). Sólo esperamos que no se trate de la misma obra que se empezó fa tres meses en el pueblu. )

10 de marzu. El ferre acercóse a Fabar y mandónos daqué semeyu de la obra: de la pala y de la pista. De momentu están allanando el camín y suponemos que después faguen les correspondientes sangraeres pa´l agua y echen un buen firme. La cosa tien buena pinta pero el ferre non sabe a quién felicitar, si al Ayuntamientu, a la Consejería o si ye cosa de algún particular con espíritu altruista que nos quier facer un favor. Lo cierto ye que desde años, el pueblu de Prieres vien reclamando la reparación del camín y que desde fa unos meses óyese hablar de un proyectu del Principáu, onde suenen los nombres de Zamploña, El Veneru y Prieres. Hasta la Asociación de Vecinos Santa Ana solicitó ayuda económica a los fondos PRODER va unos meses. Ye lo que hay. El ferre diznos tamién que ya podía haber elecciones toos los años,....

El estáu del camín era realmente lamentable. Del archivu de la Asociación, rescatamos alguna foto,..

18 de marzo. El ferre comunícanos que la pala ya está en Pandu Llorenzo. Parez que la obra va vientu en popa...

Comentarios (6)

1 Escrito por Positivu, el 08-03-2007 10:34
Lo mesmo tien daque que ver con les prosimes elecciones,aun asi,si arreglen daque eso que llevamos por delantre.

2 Escrito por merucu, el 08-03-2007 10:38
Que bien tener noticies fresques de Prieres,a los nuevos ediles de Prieres suerte en el cometiu y norabuena!!

3 Escrito por deseosu, el 21-03-2007 20:19
a mejorar les coses que eso ye bueno pa tos

4 Escrito por Cibiella, el 12-04-2007 16:40
¿como va esti tema oh?

5 Escrito por Ñerbatu, el 28-08-2007 18:42
Efectivamente, si no facen sangraeres o no y dan buena salida al agua onde corresponde va a ser igual echar más firme que menos. En fin, esperemos que lo fagan bien.

6 Escrito por Daniel Cueria, el 01-12-2007 15:00
Ta bien eso,porque yo acuerdome de subir pal monte y tener que andar con pies de plomu per daque sitios,y nun me prestaba tener que apartar la vista al suelu y nun a los praos y el cielu nublau...

Por cierto,una foto muy buena ^^